А Я Л Ы Ә Ж Е!
Астана қаласының «Әже- ұлт ұйтқысы, тәрбие бесігі» тақырыбында «Аялы әже» форумының қорытындысы өтті.
«Ардагерлер ұйымы» республикалық қоғамдық бірлестігінің төрағасының 2024ж. 19.01 әр облыс, қалада республика көлемінде эстафета ретінде «Әже- ұлт ұйтқысы, тәрбие бесігі» тақырыбында «Аялы әже» форумын өткізу ұсынысы қабылданып, Астана қаласының әр ауданында «Әжелер алқасы» құрылды. Үстіміздегі жылдың 29 шілде күні Қарағанды облысы ардагерлер кеңесінен кестеге сай эстафетаны «Аялы әже» мүсіні түрде қабылдап алдық.
Ақмола облысы атынан Қосшы қаласының ардагерлер кеңесіне тапсыруға кезек 10 тамыз –Абай күніне сәйкес келді. Салтанатты шара Астана қаласының Сарыарқа ауданында «Абай» даңғылы бойында орналасқан Абай ескерткішінің алдында өтті.
Акцияға қатысушы жиналған қауымды «Ардагерлер ұйымы» РҚБ төрағасының бірінші орынбасары Озғанбаев Ө.О құттықтап, ұлттық құндылықты дәріптеу бағытында жаңа бастаулардың ұрпақ тәрбиесінде қосары мол болатынына сенімін артып, ықыласын білдірді. Өз сөзінде:
«Байтақ қазақ жерінде үлкен бір мәні бар шаруа басталды. Ардагерлер ұйымының бастамасымен қай заманда да қазақ үшін қасиетті, қастерлі әже, аналарды ардақтау шарасы қазақтың қасиетті рухани астанасы Түркістаннан басталған эстафета кеше Астана қаласынан Ақмола облысына жөнелтілді.
Абайдың әжесі Зере , Шоқанның әжесі Айғаным, Бекет атаның әжесі Жәния т.б. көптеген әжелерді ұмытпай, оларды ардақтау, бүгінгі ұрпақтың жадында сақтау мәні бар шаруа».
Астана қаласы ардагерлер Төралқасының мүшесі, қоғам қайраткері «Сарыарқа» ауданы ардагелер кеңесінің төрайымы, қоғам қайраткері Құсаинова Уляш Айтмағанбетқызы мен аяулы әже Оспанкулова Райгүл Алмахамбетқызы республика бойынша өтіп жатқан «Аялы Әже», «Әже –Ұлт ұйытқысы» эстафетасының мүсінін елордалықтардың атынан Ақмола облысы өкілдеріне тапсырды.
Ақмола облысының атынан «Қосшы» қаласының ардагерлер ұйымының төрағасы Абақов Қабділбар Көпжасарұлы тілек білдіріп естелікке жас қала «Мәртебесін уақыт ұлықтаған қала» атты кітап сыйлады және Айнабаев Әбілхайр Оразақұлұлы, Ділдәбек Бауыржан Айтбайұлы эстафетаны қабылдап алды.
Шараға арнайы шақырылған елордалық бес ауданның әжелер Кеңесінің өкілдері және «Белсенді ұзақ өмір сүру орталығының» қызметкерлері қатысты.
Астана қаласының ардагерлер ұйымы.2024жыл,10 тамыз